Hindi moral kahani

By | January 9, 2020

Hindi moral kahani

Hindi moral kahani – ek samay kee baat hai kisee gaanv  mein  ek  saadhu rahata  tha, vah  bhagavaan ka bahut bada bhakt tha aur nirantar ek ped ke neeche  baith  kar  tapasya  kiya karata  tha |  usaka  bhaagavaan  par  atoot   vishvaas   tha aur gaanv vaale bhee usakee ijzat karate the|

ek baar gaanv  mein bahut bheeshan baadh  aa  gaee |  chaaro taraph paanee hee paanee dikhaee dene laga, sabhee log apanee jaan bachaane ke lie oonche sthaanon kee taraph badhane lage | jab logon ne dekha ki saadhu mahaaraaj abhee bhee ped ke neeche baithe bhagavaan ka naam jap  rahe hain to unhen yah jagah chhodane kee salaah dee| par saadhu ne kaha-

” tum log apanee  jaan bachao mujhe to mera bhagavaan bachaega!”

dheere-dheere paanee  ka  star badhata gaya , aur paanee saadhu ke kamar tak aa pahuncha , itane mein vahaan se ek naav  gujaree|

mallaah ne kaha- ” he saadhoo mahaaraaj aap is naav par savaar ho jaie main aapako surakshit sthaan tak pahuncha doonga |”

“nahin, mujhe tumhaaree madad kee aavashyakata nahin hai , mujhe to mera bhagavaan bachaega !! “, saadhu ne uttar diya.

naav vaala chup-chaap vahaan se chala gaya.

kuchh der baad baadh aur prachand ho gayee , saadhu ne ped par chadhana uchit samajha aur vahaan baith kar eeshvar ko yaad karane laga | tabhee achaanak unhen gadagadaahat kee aavaaz sunaee dee, ek helikoptar unakee madad ke lie aa pahuncha, bachaav dal  ne ek rassee latakaee  aur saadhu ko use jor se pakadane ka aagrah kiya|

par saadhu phir bola-” main ise nahin pakadoonga, mujhe to mera bhagavaan bachaega |”

unakee hath ke aage bachaav dal bhee unhen lie bagair vahaan se chala gaya |

kuchh hee der mein ped baadh kee dhaara mein bah gaya aur saadhu kee mrtyu ho gayee |

marane  ke  baad  saadhu mahaaraaj svarg pahuche aur bhagavaan  se bole  -. ” he  prabhu  mainne  tumhaaree  pooree  lagan   ke  saath  aaraadhana kee… tapasya  kee par jab  mai  paanee mein doob kar mar  raha  tha  tab  tum mujhe  bachaane  nahin  aaye, aisa kyon prabhu ?

bhagavaan bole , ”  he saadhu mahaatma  mai tumhaaree raksha karane ek  nahin balki teen  baar  aaya , pahala, graameenon ke roop mein , doosara  naav  vaale  ke   roop   mein , aur teesara ,heleekaaptar  bachaav dal  ke  roop   mein. kintu tum mere  in avasaron ko pahachaan nahin pae |”

mitron, is jeevan mein eeshvar hamen kaee avasar deta hai , in avasaron kee prakrti kuchh aisee hotee  hai ki ve  kisee  kee prateeksha  nahin  karate  hai , ve  ek  daudate  hua  ghode ke saamaan hote hain jo hamaare saamane se tejee se gujarate hain  , yadi ham unhen pahachaan kar unaka laabh utha lete  hai  to  ve  hamen   hamaaree  manjil   tak  panhucha  dete  hai, anyatha hamen baad mein pachhataana hee padata hai|

Moral stories for students of class 8 – Motivational story

Panchatantra short stories in Hindi with moral

Leave a Reply

Your email address will not be published. Required fields are marked *