Moral stories in Hindi for class 5

By | January 9, 2020

Moral stories in Hindi for class 5

Moral stories in Hindi for class 5 – bahut samay pahale kee baat hai , kisee gaavan mein 6 andhe aadamee rahate the. ek din gaanv vaalon ne unhen bataaya , ” are , aaj gaavan mein haathee aaya hai.”  unhonne aaj tak bas haathiyon ke baare mein suna tha par kabhee chhoo kar mahasoos nahin kiya tha. unhonne ne nishchay kiya, ” bhale hee ham haathee ko dekh nahin sakate , par aaj ham sab chal kar use mahasoos to kar sakate hain na?” aur phir vo sab us jagah kee taraph badh chale jahaan haathee aaya hua tha.

sabhee ne haathee ko chhoona shuroo kiya.

” main samajh gaya, haathee ek khambhe kee tarah hota hai”,  pahale vyakti ne haathee ka pair chhoote hue kaha.

“are nahin, haathee to rassee kee tarah hota hai.” doosare vyakti ne poonchh pakadate hue kaha.

“main bataata hoon,  ye to ped ke tane kee tarah hai.”,  teesare vyakti ne soondh pakadate hue kaha.

” tum log kya baat kar rahe ho, haathee  ek bade haath ke pankhe kee tarah hota hai.” , chauthe vyakti ne kaan chhoote hue sabhee ko samajhaaya.

“nahin-nahin , ye to ek deevaar kee tarah hai.”, paanchave vyakti ne pet par haath rakhate hue kaha.

” aisa nahin hai , haathee to ek kathor nalee kee tarah hota hai.”, chhathe vyakti ne apanee baat rakhee.

aur phir sabhee aapas mein bahas karane lage aur khud ko sahee saabit karane mein lag gae.. ..unakee  bahas tej hotee gayee aur aisa lagane laga maano vo aapas mein lad hee padenge.

tabhee vahaan se ek buddhimaan vyakti gujar raha tha. vah ruka aur unase poochha,” kya baat hai tum sab aapas mein jhagad kyon rahe ho?”

” ham yah nahin tay kar pa rahe hain ki aakhir haathee deekhata kaisa hai.” , unhonne ne uttar diya.

aur phir baaree baaree se unhonne apanee baat us vyakti ko samajhaee.

buddhimaan vyakti ne sabhee kee baat shaanti se sunee aur bola ,” tum sab apanee-apanee jagah sahee ho. tumhaare varnan mein antar isalie hai kyonki tum sabane haathee ke alag-alag bhaag chhue

hain, par dekha jae to tum logo ne jo kuchh bhee bataaya vo sabhee baate haathee ke varnan ke lie sahee baithatee hain.”

” achchha !! asa hai.ki” sab loga ne  sath hi jbab diya . usake bad koi vivad nahin hua ,aur sabhe khush ho gae ki vo sabhe sach kah rahe the.

doston,  kaee baar aisa hota hai ki ham apanee  baat ko lekar ad jaate hain ki ham hee sahee hain aur baakee sab galat hai. lekin yah sambhav hai ki hamen sikke ka ek hee pahalu dikh raha ho aur usake aalaava bhee kuchh aise tathy hon jo sahee hon. isalie hamen apanee baat to rakhanee chaahie par doosaron kee baat bhee sabr se sunanee chaahie , aur kabhee bhee bekaar kee bahas mein nahin padana chaahie. vedon mein bhee kaha gaya hai ki ek saty ko kaee tareeke se bataaya ja sakata hai. to , jab agalee baar aap aisee kisee bahas mein paden to yaad kar leejiyega ki kaheen aisa to nahin ki aapake haath mein sirph poonchh  hai aur baakee hisse kisee aur ke paas hain.

Moral stories for students of class 8 – Motivational story

Panchatantra short stories in Hindi with moral

Leave a Reply

Your email address will not be published. Required fields are marked *