Moral stories in Hindi for class 8

By | January 9, 2020

Moral stories in Hindi for class 8

Moral stories in Hindi for class 8 – doston ,jindagee hai to sangharsh hain,tanaav hai,kaam ka praissurai hai, khushee hai,dar hai !lekin achchhee baat yah hai ki ye sabhee sthaayee nahin hain!samay roopee nadee ke pravaah mein se sab pravaahamaan hain!koee bhee paristhiti chaahe khushee kee ho ya gam kee, kabhee sthaee nahin hotee ,samay ke aviral pravaah mein vileen ho jaatee hai!

prerana ka srot

aisa adhikatar hota hai kee jeevan kee yaatra ke dauraan ham apane aap ko kaee baar duhkh ,tanaav,chinta,dar,hataasha,niraasha,bhay,rog ityaadi ke makadajaal mein phansa hua paate hain  ham tatkaalik paristhitiyon ke itane vasheebhoot ho jaate hain  ki door-door tak dekhane par bhee hamen koee prakaash kee kiran maatr bhee dikhaee nahin detee , door se cheentee kee tarah mahasoos hone vaalee pareshaanee hamaare najadeek aate-aate haathee ke jaisa roop dhaaran kar letee hai  aur ham usakee vishaalata aur bhayaavahata ke aage samarpan kar paristhitiyon ko apane oopar haavee ho jaane dete hain,vo paristhiti hamaare poore vajood ko hila daalatee hai ,hamen hataasha,niraasha ke bhanvar mein ulajha jaatee hai…ek-ek kshan pahaad sa prateet hota hai aur hamame se jyaadaatar log aasha kee koee  kiran na dekh paane ke kaaran  hataash hokar paristhiti ke aage hathiyaar daal dete hain!

agar aap kisee anajaan,nirjan registaan me phans jaen to usase nikalane ka ek hee upae hai ,bas -chalate rahen!   agar aap nadee ke beech jaakar haath pair nahin chalaenge to nishchit hee doob jaenge !  jeevan me kabhee aisa kshan bhee aata hai, jab lagata hai kee bas ab kuchh bhee baakee nahin hai ,aisee paristhiti me apane  aatmavishvaas aur saahas ke saath sirph date rahen kyonki-

“har cheej ka hal hota hai,aaj nahin to kal hota hai|”

ek baar ek raaja kee seva se prasann hokar ek saadhoo nen use ek taabeej diya aur kaha kee raajan  ise apane gale me daal lo aur jindagee mein kabhee aisee paristhiti aaye kee jab tumhe lage kee bas ab to sab khatam hone vaala hai ,pareshaanee ke bhanvar me apane ko phansa pao ,koee prakaash kee kiran najar na aa rahi hai ,har taraph niraasha aur hataasha hai tab tum is taabeej ko khol kar ishamen rakhe kagaz ko padhana ,usase pahale nahin!

raaja ne vah taabeej apane gale me pahan liya !ek baar raaja apane sainikon ke saath shikaar karane ghane jangal me gaya!  ek sher ka peechha karate karate raaja apane sainikon se alag ho gaya aur dushman raaja kee seema me pravesh kar gaya,ghana jangal aur saanjh ka samay ,  tabhee kuchh dushman sainikon ke ghodon kee taapon kee aavaaj raaja ko aaee aur usane bhee apane ghode ko ed lagaee,  raaja aage aage dushman sainik peechhe peechhe!   bahut door tak bhaagane par bhee raaja un sainikon se peechha nahin chhuda paaya !  bhookh  pyaas se behaal raaja ko tabhee ghane pedon ke beech me ek gupha see dikhee ,usane turant svayan aur ghode ko us gupha kee aad me chhupa liya !  aur saans rok kar baith gaya , dushman ke ghodon ke pairon kee aavaaj dheere dheere paas aane lagee !  dushmanon se ghire hue akele raaja ko apana ant najar aane laga ,use laga kee bas kuchh hee kshanon mein dushman use pakad kar maut ke ghaat utaar denge !  vo jindagee se niraash ho hee gaya tha , kee usaka haath apane taabeej par gaya aur use saadhoo kee baat yaad aa gaee !usane turant taabeej ko khol kar kaagaj ko baahar nikaala aur padha !   us parchee par likha tha —“yah bhee kat jaega “

raaja ko achaanak  hee jaise ghor andhakaar me ek  jyoti kee kiran dikhee , doobate ko jaise koee sahaara mila !  use achaanak apanee aatma me ek akathaneey shaanti ka anubhav hua !  use laga kee sachamuch yah bhayaavah samay bhee kat hee jaega ,phir me kyon chintit hooon !  apane prabhu aur apane par vishvaasarakh usane svayan se kaha kee haan ,yah bhee kat jaega !

aur hua bhee yahee ,dushman ke ghodon ke pairon kee aavaaj paas aate aate door jaane lagee ,kuchh samay baad vahaan shaanti chha gaee !  raaja raat me gupha se nikala aur kisee tarah apane raajy me vaapas aa gaya !

doston,yah sirph kisee raaja kee kahaanee nahin hai yah ham sab kee kahaanee hai !ham sabhee paristhiti,kaam ,tanaav ke davaav mein itane jakad jaate hain kee hame kuchh soojhata nahin hai ,hamaara dar ham par haavee hone lagata hai ,koee raasta ,samaadhaan door door tak najar nahin aata ,lagane lagata hai kee bas, ab sab khatam ,hai na?

jab aisa ho to 2 minat shaanti se bethiye ,thodee gaharee gaharee saanse leejiye !  apane aaraadhy ko yaad keejiye aur svayan se jor se kahiye –yah bhee kat jaega !   aap dekhiega ekadam se jaadoo sa mahasoos hoga , aur aap us paristhiti se ubarane kee shakti apane andar mahasoos karenge !  aajamaaya hua hai ! bahut kaaragar hai !

aasha hai jaise yah sootr mere jeevan me mujhe prerana deta hai ,aapake jeevan me bhee preranaadaayak siddh hoga

Moral stories for students of class 8 – Motivational story

Panchatantra short stories in Hindi with moral

Leave a Reply

Your email address will not be published. Required fields are marked *