Panchatantra stories in Hindi with moral

By | January 9, 2020

Panchatantra stories in Hindi with moral

Panchatantra stories in Hindi with moral – sundar  van  mein  thand  dastak  de  rahee  thee , sabhee  jaanavar  aane  vaale  kathin  mausam  ke  lie  taiyaaree   karane  mein  lage  hue  the . sugaree  chidiya  bhee  uname  se  ek  thee  , har  saal  kee  tarah  usane  apane  lie  ek  shaanadaar  ghonsala  taiyaar  kiya  tha  aur  achaanak  hone  vaalee  baarish  aur  thand  se  bachane ke lie use  chaaro  taraph  se  ghaans -phoons  se  dhak  diya  tha .

sab  kuchh  thik  chal  raha  tha  ki  ek  din  achanak  hi  bijali  kadakane  lagi  aur  dekhate – dekhate  ghanaghor  varsha   hone  lagi , bemausam  aaee  baarish  se  thand  bhee  badh gayee  aur  sabhee  jaanavar  apane -apane  gharon   kee  taraph  bhaagane  lage . sugaree  bhee  tejee  dikhaate  hue  apane  ghonsale  mein vaapas aa gaee  , aur  aaraam  karane  lagee . use  aaye   abhee  kuchh  hee  vaqt  beeta  tha  ki  ek  bandar  khud  ko  bachaane  ke  lie  ped  ke  neeche  aa  pahuncha  .

sugaree  ne  bandar  ko  dekhate  hee  kaha  – “ tum  itane  hoshiyaar  bane phirate  ho  to bhala aise  mausam  se  bachane  ke  lie  ghar  kyon  nahin  banaaya ?” yah  sunakar  bandar  ko  gussa  aaya  lekin  vah  chup  hee  raha aur  ped  kee  aad  mein  khud  ko  bachaane  ka prayaas karane laga  .

thodee der shaant rahane ke baad sugaree phir bolee, ” pooree garmee idhar udhar aalas mein bita dee…achchha hota apane lie ek ghar bana lete!!!” yah sun bandar ne gusse mein kaha, ” tum apane se matalab rakho , meree chinta chhod do .”

sugaree shaant ho gayee.

baarish rukane ka naam nahin le rahee thee aur havaen bhee tej chal rahee theen, bechaara bandar thand se kaanp raha tha, aur khud ko dhankane kee bharasak koshish kar raha tha.par sugaree ne to maano use chhedane kee kasam kha rakhee thee, vah phir bolee, ” kaash ki tumane thodee akal dikhaee hotee to aaj is haalat….”

sugaree ne abhee apanee baat khatam bhee nahin kee thee ki bandar baukhalaate hue bola, ” ek dam chup, apana ye baar-baar  phusaphusaana band karo ….. ye gyaan kee baate apane paas rakho aur pandit banane kee koshish mat karo.” sugaree chup ho gayee.

ab tak kaaphee paanee gir chuka tha , bandar bilakul bheeg gaya tha aur buree tarah kaanp raha tha. itane mein sugaree se raha nahin gaya aur vo phir bolee , ” kam se kam ab ghar banaana seekh lena.” itana sunate hee bandar turant ped par chadhane laga ,……. “bhale main ghar banaana nahin jaanata lekin mujhe todana achchhe se aata hai..”, aur  ye kahate hue usane sugaree ka ghonsala tahas nahas kar diya. ab sugaree bhee bandar kee tarah beghar ho chukee thee aur thand se kaanp rahee thee.

doston, aisa bahut baar hota hai ki log museebat mein pade vyakti kee madad katarane kee bajaaye use duniya bhar kee naseehat dene lagate hain. vayask hone ke naate har koee apanee isthiti ke lie khud jimmedaar hai. ham ek shubhachintak ke roop mein use ek-aadh baar salaah to  de sakate haan par usakee kisee kamee ke lie baar kosana hamen sugaree chidiya kee haalat mein panhucha sakata hai. isalie kisee mushkil mein pade vyakti kee madad kar sakate hain to karie par use bekaar ke upadesh mat deejiye.

Moral stories for students of class 8 – Motivational story

Panchatantra short stories in Hindi with moral

Leave a Reply

Your email address will not be published. Required fields are marked *